“AQSH hech qanday dalilsiz barcha ishlarda Rossiyani ayblaydi” — Rossiya elchisi

Amerika Qo‘shma Shtatlari har kuni faktlarni tekshirmasdan va dalillar keltirmasdan Rossiyani barcha gunohlarda ayblaydi, dedi Rossiyaning Vashingtondagi elchisi Anatoliy Antonov.

“Amerikada har kuni mamlakatimizni barcha gunohlarda ayblaydi, Faktlarni tekshirmasdan va dalillar keltirmasdan”, — dedi u jurnalistlarga.

Antonovning so‘zlariga ko‘ra, Rossiya ayblovlarga qaramay, “haqiqatni himoya qilishda” davom etadi.

“Agar haqiqat AQSH rasmiylari uchun qulay va foydali bo‘lgan stereotiplarni yo‘q qilsa, bu bizning muammomiz emas. Vashingtonning bunday ishga og‘riqli munosabati biz amalga oshirayotgan ishlarning samaradorligidan dalolat beradi”, — deya xulosa qildi diplomat.