Isroilning faol hujumlari oqibatida so‘nggi 24 soatda G‘azo sektorida 153 kishi halok bo‘lgan. Bu haqda Al Jazeera nashri xabar berdi.
Shuningdek, G‘azo Sog‘liqni saqlash vazirligi 60 kishi yaralanganini ham xabar qilgan. Hozirda jarohatlanganlar dala shifoxonalariga joylashtirilgan.
Manbaga ko‘ra, Isroilning so‘nggi hujumlari, asosan, Rafah va Jabaliya aholi punktlariga qaratilgan. Hududga ogohlantirmasdan havo hujumlari uyushtirilgan.
G‘azo Sog‘liqni saqlash vazirligi maʼlumotlariga ko‘ra, 7-oktyabrdan beri G‘azoda halok bo‘lganlarning umumiy soni 33 360 kishiga yetgan, 75 993 kishi turli darajada jarohatlangan.
G‘azo sektorida 7000 kishi shu paytga qadar bedarak yo‘qolgani xabar qilingan. Isroil hujumida vafot etganlarning 14,5 mingdan ortig‘i bolalar va 9560 nafari ayollardan iborat.
Izoh (0)