“Isroilni o‘z maqsadlariga erishishdan hech kim to‘xtata olmaydi” — Netanyaxu

Isroil bosh vaziri Binyamin Netanyaxu G‘azo sektoridagi urushda barcha maqsadlarga erishishiga, jumladan, Rafahda HAMAS harakatining qolgan batalyonlarini yo‘q qilishga dunyoda hech kim to‘sqinlik qila olmasligiga ishonch bildirdi.

“Biz HAMAS batalyonlarini, jumladan, Rafahni yo‘q qilish bo‘yicha operatsiyani muvaffaqiyatli yakunlaymiz. Dunyoda bizni to‘xtata oladigan kuch yo‘q. Buni qilishga urinayotgan ko‘plab kuchlar bor, ammo bu ularga yordam bermaydi... Bizning uchta maqsadimiz bor — garovga olinganlarni qaytarish, HAMASni yo‘q qilish va G‘azo Isroil uchun boshqa xavf tug‘dirmasligini ta’minlash”, — dedi bosh vazir.

“Biz g‘alaba qozonganimizda bu shunchaki HAMAS ustidan g‘alaba bo‘lmaydi, bu buyuk g‘alaba bo‘ladi. Yaqin Sharqda va undan tashqarida hamma bu jang maydonida kim g‘alaba qozonishini ko‘rish uchun kutib turibdi. Siz kim g‘alaba qozonishini allaqachon bilasiz”, — dedi bosh vazir.