Turkiya maxsus xizmatlari ISHID terrorchi tashkiloti bilan aloqa o‘rnatganlikda gumonlangan 14 nafar shaxsni hibsga oldi. Bu haqda Anadolu nashri xabar berdi.
Ichki ishlar vazirligi bergan maʼlumotga ko‘ra, gumonlanuvchilarning 5 nafari Eskishehirda, 6 nafari Yalovada, 2 nafari Gaziantepda va yana bir nafari Samsunda hibsga olingan.
Turkiya ichki ishlar vaziri Ali Yerlikaya 9-aprel kuni bergan bayonotida Turkiya xavfsizlik kuchlari “Bozdogon-22” operatsiyasi doirasida ISHID terrorchilik guruhiga aloqadorlikda gumon qilinganlarni hibsga olganini bildirgan. Mamlakat fuqarolari uchun xavfsiz vaziyat taʼminlanguncha operatsiya davom ettirilishi maʼlum qilingan.
Vazirning so‘zlariga ko‘ra, tegishli politsiya mudirliklari tomonidan Eskishehir markazi, uning janubi-sharqidagi Gaziantep, shimoliy Samsun va shimoli-g‘arbiy Yalova viloyatlarida, Bosh prokuratura, Xavfsizlik bosh boshqarmasi va terrorizmga qarshi kurash boshqarmasi hamkorligida amaliyotlar o‘tkazilgan.
So‘nggi paytlarda ISHID terrorchiligiga aloqador shaxslarni hibsga olish bilan bog‘liq holat Turkiyada tez-tez yuz bermoqda. Belgiyaning Bryussel shahrida bo‘lib o‘tgan NATO Xavfsizlik kengashi yig‘ilishida turk hukumati G‘arb yetakchilaridan terrorizmga qarshi kurashda yordam ham so‘ragan edi.
Izoh (0)