Moskva energetika sohasida Vena oldidagi majburiyatlarini so‘zsiz bajaradi va mamlakatning ishonchli hamkori bo‘lib qoladi. Bu haqda Rossiyaning Venadagi elchisi Dmitriy Lyubinskiy “TASS” agentligiga bergan intervyusida maʼlum qildi.
“Biz aytishda davom etamiz va amalda tasdiqlaymiz hamki, Avstriya rasmiylari voqelikni buzib, o‘z xalqini chalg‘itishga qanchalik urinishmasin, Rossiya Vena uchun o‘z masʼuliyatini sidqidildan bajaradigan masʼuliyatli va ishonchli tijorat hamkori bo‘lib kelgan va shunday bo‘lib qolaveradi. Qiyin geosiyosiy vaziyatga qaramay, biz tamoyillarimizdan chekinmaymiz. “Gazprom” uzoq muddatli shartnomalarda ko‘rsatilgan barcha gaz miqdorini 2023-yilda yetkazib berdi va bu yil ham buni davom ettirmoqda”, — degan Avtriyadagi rus elchisi.
Dmitriy Lyubinskiyning so‘zlariga ko‘ra, Moskva o‘z energiya resurslarini boshqa davlatlarga bosim o‘tkazish uchun ishlatmaydi. Energiya resurslari Rossiya uchun siyosat quroli emas.
Rossiya vakili, shuningdek, Rossiya hech qachon Avstriyani siyosiy vaziyat tufayli jazolashga urinmaganini aytgan.
“Avstriyalik baʼzi siyosatchilar Moskvaning gaz siyosatidagi qurollari haqida eski afsonalar aytishni odat qilib olgan. Men shuni aytardimki, bu qizg‘in siyosiy munozara emas, bu to‘liq uydirma”, — degan elchi.
Avstriya Energetika vazirligi maʼlumotlariga ko‘ra, 2023-yil dekabrida Avstriyaning energetika balansidagi Rossiya tabiiy gazining ulushi 98 foizga yetgan. Bu Ukrainada maxsus harbiy operatsiya boshlanganidan beri rekord ko‘rsatkichdir.
Izoh (0)