Moldova prezidenti Mayya Sanduning iti mamlakatga tashrif buyurgan Avstriya prezidenti Van der Bellanni tishlab oldi. Holat tasvirlangan video Realitatea nashri tomonidan e’lon qilindi.
Qayd etilishicha, rasmiy marosim davomida siyosatchilar oldiga Mayya Sanduning Kodrutsa laqabli itini olib kelishgan. U o‘z vaqtida itni ko‘chadan topib olgandi. Avstriya yetakchisi ham Sanduning ortida uni silashga uringanida it Bellenning qo‘lini tishlab olgan.
Sandu darhol uzr so‘rab, atrofda odam ko‘p bo‘lgani uchun it qo‘rqib ketgan bo‘lishi mumkinligini aytdi.
“It aftidan, xorijlik mehmon o‘z egasiga xavf tug‘dirmoqda deb o‘ylagan”, — deya vaziyatni izohlagan nashr.
Ta’kidlanishicha, yuqori martabali xorijlik mehmon Moldova parlamenti rahbari Igor Gross va bosh vaziri Dorin Rechan bilan uchrashuvga Aleksandr Van der Bellen qo‘lini bint bilan bog‘lab olgan holda chiqqan.
Sentyabr oxirlarida AQSH prezidenti Jo Baydenning iti Kommander Oq uyda Maxfiy xizmat agentini tishlab olgani to‘g‘risida xabar berilgandi. Kommander Oq uy va Delaverda kamida 11 marta odamlarni tishlab olgan, jumladan 2022-yil noyabr oyida it bir ofitserning qo‘llari va sonidan tishlaganidan keyin u kasalxonaga yotqizilgan.
Izoh (0)