Rossiya qo‘shinlari Donetsk viloyatining Chasov Yar hududidagi bir qancha Ukraina strategik istehkomlarini nazorat ostiga oldi. Bu haqda “TASS” nashri xabar berdi.
“Artilleriya, aerokosmik kuchlar va harbiy dronlar bilan mustahkamlangan hujum guruhlarimiz Chasov Yar yaqinidagi Ukraina qurolli tuzilmalarining bir nechta tayanch nuqtalarini nazoratga oldi. Qo‘shinlarimiz tomonidan egallab olingan istehkomlar strategik ahamiyatga ega va shunga mos ravishda foydalaniladi”, — deyiladi Rossiya tomoni bergan bayonotda.
Rossiya hujum guruhlari Chasov Yar tomon ancha oldinga siljib, Ukraina jangovar guruhining taʼminot yo‘llarini to‘sib qo‘ygani xabar qilingan. Hudud harbiy nazorati hozirda to‘liq ruslarda.
Avvalroq tan olinmagan Donetsk Xalq respublikasi rahbari maslahatchisi Igor Kimakovskiy “TASS” agentligiga bergan xabarida Chasov Yar Ukraina armiyasi uchun Donetsk hududidagi asosiy markaz ekanligini maʼlum qilgan.
Izoh (0)