Kiyev Jahon bankining ikkita dasturi doirasida Tokiodan 118 million dollar oldi. Bu haqda Ukraina Moliya vazirligi saytida xabar berildi.
Ukraina davlat byudjetiga Jahon bankining “Sog‘liqni saqlash tizimini mustahkamlash va hayotni asrash” (Heal Ukraine) va “Huquq va imkoniyatlarni tiklash uchun uy-joylarni rekonstruksiya qilish” loyihalari doirasida Yaponiya hukumatidan qaytarilmaydigan asosda 118 million dollar tushdi, —deyiladi bayonotda.
Avvalroq Ukraina bosh vaziri Denis Shmigal Kiyev Jahon banki dasturi doirasida Tokiodan 984 million dollar olganini ma’lum qilgan edi.
Ukrainada 2024-yil 43,9 milliard dollarlik rekord darajadagi byudjet kamomadi rejalashtirilgan. Mamlakat hukumati uning katta qismini G‘arb ittifoqchilari yordamida qoplashni kutmoqda.
Ayni paytda AQSH Kongressida Ukrainaga yordam ko‘rsatish masalasini hal qilish to‘rt oydan ko‘proq vaqtga kechiktirildi. 2023-yil dekabrida bo‘lib o‘tgan sammitda Yevropa Ittifoqi davlatlari ham Kiyevga to‘rt yilga mo‘ljallangan 50 milliard yevro miqdoridagi moliyaviy yordam dasturini qabul qila olmay, uni faqat 1-fevraldagi favqulodda sammitda maʼqullagan edi.
Izoh (0)