Москва энергетика соҳасида Вена олдидаги мажбуриятларини сўзсиз бажаради ва мамлакатнинг ишончли ҳамкори бўлиб қолади. Бу ҳақда Россиянинг Венадаги элчиси Дмитрий Любинский “ТАСС” агентлигига берган интервьюсида маълум қилди.
“Биз айтишда давом этамиз ва амалда тасдиқлаймиз ҳамки, Австрия расмийлари воқеликни бузиб, ўз халқини чалғитишга қанчалик уринишмасин, Россия Вена учун ўз масъулиятини сидқидилдан бажарадиган масъулиятли ва ишончли тижорат ҳамкори бўлиб келган ва шундай бўлиб қолаверади. Қийин геосиёсий вазиятга қарамай, биз тамойилларимиздан чекинмаймиз. “Газпром” узоқ муддатли шартномаларда кўрсатилган барча газ миқдорини 2023 йилда етказиб берди ва бу йил ҳам буни давом эттирмоқда”, — деган Автриядаги рус элчиси.
Дмитрий Любинскийнинг сўзларига кўра, Москва ўз энергия ресурсларини бошқа давлатларга босим ўтказиш учун ишлатмайди. Энергия ресурслари Россия учун сиёсат қуроли эмас.
Россия вакили, шунингдек, Россия ҳеч қачон Австрияни сиёсий вазият туфайли жазолашга уринмаганини айтган.
“Австриялик баъзи сиёсатчилар Москванинг газ сиёсатидаги қуроллари ҳақида эски афсоналар айтишни одат қилиб олган. Мен шуни айтардимки, бу қизғин сиёсий мунозара эмас, бу тўлиқ уйдирма”, — деган элчи.
Австрия Энергетика вазирлиги маълумотларига кўра, 2023 йил декабрида Австриянинг энергетика балансидаги Россия табиий газининг улуши 98 фоизга етган. Бу Украинада махсус ҳарбий операция бошланганидан бери рекорд кўрсаткичдир.
Изоҳ (0)