“Tolibon” Afg‘onistondagi TAPI loyihasining amaliy ishlarini boshlashga tayyor ekanini ma’lum qildi. Bu haqda Etilaatroz xabar berdi.
“Tolibon” tashqi ishlar vaziri Amir Xon Mutaqqiy Turkmanistonga safari chog‘ida ushbu mamlakatdagi hamkasbi Rashid Murodov bilan uchrashdi. Uchrashuvda Afg‘onistondagi TAPI loyihasining amaliy ishini boshlashga tayyorligini ma’lum qildi. Tomonlar yaqin kelajakda Afg‘onistondagi TAPI loyihasining amaliy ishini boshlashiga umid bildirgan.
“Tolibon” loyihani Turkmaniston uchun “katta va strategik ahamiyatga ega” deb baholagan. Turkmanistonning Afg‘onistondan Pokiston va Hindistonga gaz o‘tkazish loyihasi TAPI nomi bilan mashhur bo‘lib, mintaqadagi eng yirik gaz uzatish loyihalaridan biridir. U orqali Turkmanistondan 33 milliard kub metr gaz boshqa uch davlatga o‘tkaziladi.
TAPI loyihasi 2016-yilda boshlangan va 2019-yilgacha yakunlanishi kutilgan edi. Afg‘oniston Hirot viloyatida bu loyiha ishini 2017-yilda boshlagan va oldingi va’dalarga ko‘ra uni yakunlay olmagan. Afg‘onistonda “Tolibon” qayta hukmronlik qilganidan loyiha to‘xtatib qo‘yilgan. Shuningdek, ushbu loyiha 500 kilovatt elektr va temir yo‘lni uzatishni o‘z ichiga oladi.
Uchrashuvda “Tolibon” va Turkmaniston tashqi ishlar vazirlari savdoni rivojlantirish, temir yo‘l sohasida hamkorlik va Afg‘onistonga import qilinadigan elektr energiyasini ko‘paytirish masalalarini muhokama qilgan.
Izoh (0)