“Толибон” Афғонистондаги TAПИ лойиҳасининг амалий ишларини бошлашга тайёр эканини маълум қилди. Бу ҳақда Etilaatroz хабар берди.
“Толибон” ташқи ишлар вазири Амир Хон Мутаққий Туркманистонга сафари чоғида ушбу мамлакатдаги ҳамкасби Рашид Муродов билан учрашди. Учрашувда Афғонистондаги TAПИ лойиҳасининг амалий ишини бошлашга тайёрлигини маълум қилди. Томонлар яқин келажакда Афғонистондаги TAПИ лойиҳасининг амалий ишини бошлашига умид билдирган.
“Толибон” лойиҳани Туркманистон учун “катта ва стратегик аҳамиятга эга” деб баҳолаган. Туркманистоннинг Афғонистондан Покистон ва Ҳиндистонга газ ўтказиш лойиҳаси TAПИ номи билан машҳур бўлиб, минтақадаги энг йирик газ узатиш лойиҳаларидан биридир. У орқали Туркманистондан 33 миллиард куб метр газ бошқа уч давлатга ўтказилади.
TAПИ лойиҳаси 2016 йилда бошланган ва 2019 йилгача якунланиши кутилган эди. Афғонистон Ҳирот вилоятида бу лойиҳа ишини 2017 йилда бошлаган ва олдинги ваъдаларга кўра уни якунлай олмаган. Афғонистонда “Толибон” қайта ҳукмронлик қилганидан лойиҳа тўхтатиб қўйилган. Шунингдек, ушбу лойиҳа 500 киловатт электр ва темир йўлни узатишни ўз ичига олади.
Учрашувда “Толибон” ва Туркманистон ташқи ишлар вазирлари савдони ривожлантириш, темир йўл соҳасида ҳамкорлик ва Афғонистонга импорт қилинадиган электр энергиясини кўпайтириш масалаларини муҳокама қилган.
Изоҳ (0)