Joriy yilning 17-noyabr kuni Toshkent moliya institutida “Xalqaro talabalar kuni” munosabati bilan noanʼanaviy tadbir tashkil etildi. Unda institut rahbariyati vakillari, professor-o‘qituvchilari, talabalar va OAV vakillari ishtirok etdi.
Mazkur tadbir davomida “Dublyor rahbariyat” loyihasi ishga tushirildi. Unga ko‘ra, institutning iqtidorli talabalariga bir kun vaqt mobaynida rahbariyat lavozimlari tantanali ravishda topshirildi. Shuningdek, talabalar institutda bo‘layotgan jarayonlarni, talabalar nazorati va ular bilan yuzaga kelgan muammolarni birgalikda hal qilishdi.
Mazkur tadbirdan ko‘zlangan maqsad esa, talabalarini kelajakda rahbarlik salohiyatini oshirish va ularni kelgusida yetuk mutaxassis kadr qilib yetkazishdan iborat hisoblanadi.
Shundan so‘ng amaliy harakatlar institut sport majmuasida tashkil etilgan bayram shousiga ulanib ketdi. Institut rektori T.Teshabayev tadbirni ochib berdi va barcha talabalarni “Xalqaro talabalar kuni” bilan tabrikladi.
Tadbir davomida o‘quv yilida har tomonlama faol bo‘lgan va sport musobaqalarida g‘olib bo‘lgan talaba-yoshlar diplom va esdalik sovg‘alari bilan taqdirlandi.
Reklama huquqi asosida.
Izoh (0)