LUKOYL — O‘zbekiston “Yashil makon” milliy loyihasi doirasida Toshkentdagi Botanika bog‘ida — poytaxtimiz fuqarolarining sevimli tabiat burchagida obodonlashtirish va ko‘kalamzorlashtirish bo‘yicha navbatdagi ekologik aksiyani o‘tkazdi.
Daraxt ekish 2015-yildan beri “LUKOYL -O‘zbekiston” uchun muntazam ekologik aksiyaga aylandi. 8 yil davomida Kompaniya yordamida minglab daraxt va butalar ekilib, ular Toshkent, Buxoro va Qarshi shaharlarining yashil ziynati hamda o‘sha shaharlar aholisi uchun soyali salqin joylarga aylandi.
Bu safar LUKOYL kompaniyasi ko‘magida Toshkent shahrining markaziy qismida joylashgan Botanika bog‘i hududidagi toshloq yerlar unumdor tuproq bilan almashtirildi, o‘nlab manzarali daraxtlar va butalar ekildi, o‘rindiqlar o‘rnatildi.
Shuni taʼkidlash joizki, bu LUKOYL kompaniyasining Toshkent shahridagi Botanika bog‘ini obodonlashtirish bo‘yicha uchinchi eko-aksiyasiyasidir. O‘tgan yildan boshlab Botanika bog‘iga kirish joyi archadan yasalgan hayvonlarning yashil shakllari bilan bezatilgan, kompaniya xodimlari tomonidan ilgari ekilgan yuzlab dekorativ gullar esa ko‘tarinki kayfiyatni yaratmoqda.
LUKOYL kompaniyasining eko-aksiyasi “Yashil makon” milliy loyihasini qo‘llab-quvvatlashga hissa qo‘shmoqda. Respublikani ko‘kalamzorlashtirish bo‘yicha “Yashil makon” loyihasi Prezidentimiz tashabbusi bilan 2021-yil noyabr oyidan boshlab amalga oshirilmoqda. Dasturning yangi mavsumi 25 oktabrdan 1-dekabrga qadar davom etadi. 45 kun ichida respublika bo‘ylab 85 million ko‘chat ekish rejalashtirilgan, bu kuniga deyarli 2 million dona.
LUKOYL kompaniyasi o‘z faoliyatida eng yuqori ekologik standartlarga amal qiladi.
Tabiiy resurslardan oqilona foydalanish va qulay ekologik vaziyatni saqlab qolish uchun jamiyat oldidagi masʼuliyatni ongli ravishda qabul qilish loyihalarni amalga oshirishda kompaniyaning asosiy ustuvor yo‘nalishlaridan biridir.
Reklama huquqi asosida.
Izoh (0)