Bugun InnoWeek-2023 innovatsion haftalik doirasida oliy taʼlim muassasalari hamda ilmiy tashkilotlarning 2022 yildagi ilmiy-innovatsion faoliyati natijalariga ko‘ra milliy reytingi eʼlon qilindi.
Mazkur milliy reytingda Respublikamizdagi oliy taʼlim muassasalari orasida Toshkent moliya instituti 10-o‘rinni egalladi.
Mazkur reytingda Oliy ta’lim, fan va innovatsiyalar vazirligi tomonidan ilk bor 98 ta oliy ta’lim muassasasi (76 ta OTM, 22 ta filial), 62 ta akademik litsey va 14 ta yuridik texnikumning 2022-yildagi faoliyat samaradorligi baholandi.
Reyting tahlil jarayonlari ta’lim muassasalari tomonidan belgilangan talablar bo‘yicha o‘z vaqtida taqdim qilingan ma’lumotlar asosida, ular faoliyatiga aralashmagan holda 4 ta yo‘nalishdagi baholash mezonlari, 20 ta indikator hamda ularni miqdor va vazn darajalarini inobatga oluvchi 31 ta ko‘rsatkich asosida tuzildi.
Toshkent moliya instituti qator xalqaro reytinglarda ham e'tirof etib kelinmoqda.
Xususan, Toshkent moliya instituti Buyuk Britaniyaning nufuzli reyting tashkiloti – Times Higher Education agentligi o‘zining World University Rankings – 2024 reytingida "reporter", ya'ni " TOP- 1000 talik" oliygohlar reytingidan joy olish uchun da'vogar oliygoh sifatida, QS reyting tashkiloti Osiyo Universitetlarining 2023-yil uchun reytingida 501–600-o‘rinni, Markaziy Osiyo davlatlari oliy o‘quv yurtlari o‘rtasida 29-o‘rinni, Universitas Indonesia tomonidan boshlangan yashil kampus va ekologik barqarorlik (UI GreenMetric World University Ranking) xalqaro reytingidan o’rin egallagan.
TMI joriy yil Polsha poytaxti Varshava shahrida joylashgan IREG Observatory on Academic Ranking and Excellence Bosh assambleyasi to‘la huquqli aʼzosi sifatida e’tirof etilgan edi.
Reklama huquqi asosida.
Izoh (0)