Жорий йилнинг 17 ноябрь куни Тошкент молия институтида “Халқаро талабалар куни” муносабати билан ноанъанавий тадбир ташкил этилди. Унда институт раҳбарияти вакиллари, профессор-ўқитувчилари, талабалар ва ОАВ вакиллари иштирок этди.
Мазкур тадбир давомида “Дубльёр раҳбарият” лойиҳаси ишга туширилди. Унга кўра, институтнинг иқтидорли талабаларига бир кун вақт мобайнида раҳбарият лавозимлари тантанали равишда топширилди. Шунингдек, талабалар институтда бўлаётган жараёнларни, талабалар назорати ва улар билан юзага келган муаммоларни биргаликда ҳал қилишди.
Мазкур тадбирдан кўзланган мақсад эса, талабаларини келажакда раҳбарлик салоҳиятини ошириш ва уларни келгусида етук мутахассис кадр қилиб етказишдан иборат ҳисобланади.
Шундан сўнг амалий ҳаракатлар институт спорт мажмуасида ташкил этилган байрам шоусига уланиб кетди. Институт ректори Т.Тешабаев тадбирни очиб берди ва барча талабаларни “Халқаро талабалар куни” билан табриклади.
Тадбир давомида ўқув йилида ҳар томонлама фаол бўлган ва спорт мусобақаларида ғолиб бўлган талаба-ёшлар диплом ва эсдалик совғалари билан тақдирланди.
Реклама ҳуқуқи асосида.
Изоҳ (0)