Nest One — balandligi 267 metrli, 51 qavatdan iborat O‘zbekistondagi ilk osmono‘par, ko‘p funksiyali majmua. Salobatli bino poytaxtning ajoyib manazarasi namoyon bo‘luvchi premium xonadonlar, ofislar va 33 ta jamoat hududlarini o‘zida jamlagan.
Toshkent shahrida Nest One osmono‘par binosi qurilishi yakunlangani munosabati bilan matbuot anjumani bo‘lib o‘tdi.
Muloqotda ko‘p funksiyali inshootning qurilish jarayoni qanday kechgani, uning sifat va imkoniyatlari to‘g‘risida suhbatlashildi.
Tantanali tadbir Nest One muassislari — Murad Buildings asoschisi Murod Nazarov va O‘zguven kompaniyasi asoschisi O‘zgur Onur O‘zguven qutlovlari va tabrik so‘zlari bilan boshlandi.
Tadbirkorlar bunday yirik loyihani amalga oshirish jarayoni, qurilish ishlaridagi qiyinchilik va sinovlar haqida so‘zlab berdi.
“Nest One — yangi O‘zbekiston qudrati va salohiyatining belgisi. Biz bu binoning qurilishini 2019-yilda boshlagan edik. Bugun u to‘liq qurilib, bitkazildi va o‘z rezidentlariga eshiklarini ochishga tayyor. Biz ushbu loyihaga ishongan va uni qo‘llab-quvvatlagan investorlarga minnatdormiz.
Qolaversa, prezidentimiz, shahar hokimligi, ko‘plab davlat tashkilotlari bizni qo‘llab–quvvatlashdi. Shuning uchun bugungi muvaffaqiyat bilan barchani tabriklayman”, — dedi Murod Nazarov.
Loyiha rahbarlari osmono‘par bino qurilishida ilg‘or muhandislik texnologiyalaridan keng foydalanilgani, inshootning har bir qismi sifatli materiallardan qurilganiga alohida urg‘u berdilar.
Jurnalistlar va blogerlar bilan muloqotda tadbirkor O‘zgur Onur O‘zguven ham o‘z fikrlarini bildirdi.
“Hurmatli jurnalistlar, sizlar bilan Nest One loyihasini boshlaganimizdan beri to‘rt marta uchrashdik. Dastlab loyiha haqida, keyin uning texnik xususiyatlari to‘g‘risida suhbatlashgandik. Uchinchi uchrashuvimizda loyihamiz qaysi bosqichdaligi, nimalar qurayotganimizni ko‘rsatganmiz. Bugun esa qurilish oxiriga yetgani uchun sizlarni Nest One binosiga takfik qildik.
Aytishim kerak, bu loyihani bir orzu kabi boshlaganmiz. Va orzumiz ko‘pchilikning yordami bilan amalga oshdi. Orzumizni ro‘yobga chiqishiga yordam bergan barchaga rahmat aytaman”, — dedi turkiyalik tadbirkor.
Nest One da jami 1029 ta xonadon va 29 ta tezyurar liftlar mavjud. Tadbirda muassislar ko‘chmas mulk sohiblari intiqlik bilan kutgan yangilikni eʼlon qildilar. Yaʼni majmuadagi xonadonlar, ofislar va riteyl-hududlar egalariga kadastr hujjatlarini bosqichma-bosqich taqdim etish boshlandi.
Matbuot anjumanida loyiha rahbarlari jurnalistlarni qiziqtirgan savollarga javob qaytardi.
Muloqotdan so‘ng, ishtirokchilar uchun ko‘p qavatli “shahar ichidagi shahar”ning “A” bloki bo‘ylab ekskursiya tashkil qilindi.
Dastlab OAV vakillari binoning 1-qavatidagi kirish guruhi va tijorat maskanlari bilan tanishtirildi. Bu yerda networking uchun maydonlar va do‘konlar joylashgan bo‘lib, ular shoping, kafe va restoran ixlosmandlarini jalb qiladi.
Keyin ishtirokchilar tezkor liftlar yoramida Nest One’ning 52-qavatiga ko‘tarildi. Yuqori qavatda tomosha terrasalari qurilgan bo‘lib, u yerdan Toshkent shahri va tog‘larning maftunkor manzaralarini kuzatish va zavq olish mumkin.
Qatnashchilar bino ichkarisidagi xavfsizlik tizimlari bilan ham tanishtirildi. Mutaxassislar barcha qavatlarda zamonaviy tutun sezish uskunalari o‘rnatilganini aytishdi. Binoda evakuatsiya yo‘llari, ventilyatsiya tizimi, yong‘inga qarshi liftlar, avariyaviy yoritish tizimi ham mavjud. Qolaversa, bino ichkarisiga avariyaviy elektr energiyasi generatorlari ham o‘rnatilgan.
Nest One ning 28-qavatida sport bilan shug‘ullanish uchun sharoitlar yaratilgan. Shuningdek, binoning ikkinchi va uchinchi qavatlarida yopiq suv havzasi va SPA-majmuasiga ega fitnes-markaz, qishki bog‘, bir nechta bolalar o‘yin maydonchalari, kinozal, play-station hududi va karaoke joylashgan.
Ishtirokchilar 44-qavatda ham bo‘ldi. U yerda “Samodagi villalar” shourumi joylashgan. Yuqori qavatdan turib, pastga qarasangiz, derazadan shaharning ajoyib manazarasi ko‘rinib turadi. Shourum–xonadon interyer modasining oxirgi talablariga mos ravishda jihozlangan.
Nest One da xonadonni 10 yil muddatga, chegaralanmagan kreditlash summasi bilan ipotekaga xarid qilish ham mumkin. Hujjatlarni rasmiylashtirish uchun faqat pasport bo‘lsa, kifoya.
Matbuot anjumani 48-qavatdagi bayram ziyofati bilan yakunlandi. Unda Nest One jamoasi, jurnalistlar va blogerlar qatnashdi.
Hozir ham O‘zbekistondagi ilk Nest One osmono‘parining yuqori qavatlarida joylashgan hashamatli rezidensiyalar egasi bo‘lish imkoni bor. Biroq sevimli shahar kaftdek namoyon bo‘ladigan apartamentlar soni cheklangan.
Reklama huquqi asosida.
Izoh (0)