“Liverpul” futbolchisi Luis Diasning ota-onasi Kolumbiyada o‘g‘irlab ketildi

“Liverpul” futbolchisi Luis Diasning ota-onasi Kolumbiyada o‘g‘irlab ketildi. 

Kolumbiya nashri bo‘lgan Semana xabar berishicha, Diasning otasi va onasi Barrankas shahrida o‘g‘irlab ketilgan.

Xabarlarning turli versiyalari mavjud. Birida, Luis Manuel Dias va Silenis Marulanda avtomobilda ketayotganda, ularning yo‘lini mototsiklda bo‘lgan bosqinchilar to‘sgan.

Boshqa bir ma’lumotda, ular futbol ko‘rib o‘tirganda, bosqinchilar kelib, majburlab mashinaga mindirib, olib ketgani aytilgan. 

Kolumbiya harbiylari va politsiyasi birlashib, futbolchining ota-onasini izlamoqda. 

Bir necha soatdan keyin Diasning onasi qutqarilgani ma’lum qilindi. Hozirda futbolchining otasi qidirilmoqda.