Boks bo‘yicha Butunjahon boks ittifoqi (WBC) 2023-yilning noyabr oyida tashkilotning yillik konvensiyasini Toshkent shahrida o‘tkazadi.
Ushbu konvensiya doirasida 17-noyabr kuni “Humo Arena”da boks oqshomi bo‘lib o‘tadi. Unda yarim o‘rta vazn toifasida sobiq WBC Silver kamari sohibi Qudratillo Abduqahorov (18-2) ham ishtirok etishi ma’lum bo‘ldi. Bu haqida O‘zbekiston professional boks federatsiyasi matbuot xizmati xabar qildi.
Abduqahhorov tanzaniyalik Nikolas Maykl Mdoega (13-6-2) qarshi jang o‘tkazadi. Ushbu jang 8 raund etib belgilangan.
Ma’lumot uchun, Qudratillo Abduqahhorov 31-avgust kuni Moskva shahrida tashkil etilgan professional boks oqshomining markaziy jangida mezbon Magomed Madievga qarshi ringga chiqqandi. Sakkiz raund to‘liq davom etgan o‘sha bahsda Qudratillo raqibiga 75:78, 73:79, 73:79 hisobida imkoniyatni boy berib qo‘ygan edi.
Izoh (0)