Jastin Klyuyvertning uyiga o‘g‘ri tushdi. Talonchilar futbolchining rafiqasini kaltaklab, qimmatbaho buyumlarni o‘g‘irlab ketgan

“Valensiya” yarim himoyachisi Jastin Klyuyvertning uyiga o‘g‘ri tushdi. 

Voqea 24-may kechasi sodir bo‘lgan. Bir necha noma’lum kimsalar niderlandiyalik futbolchining uyiga kirgan va uning rafiqasini kaltaklab, 200 ming yevroga baholangan soati va qimmatbaho buyumlarini o‘g‘irlab ketgan. 

Talonchilar qimmatbaho narsalarning joyini aytishi uchun Jastinning rafiqasini kaltaklagan. Politsiyaning ma’lumotiga ko‘ra, talonchilik besh daqiqa ichida amalga oshgan.

Ayol jarohat olgan va voqeadan so‘ng kuchli shok holatini boshidan o‘tkazgan. Bu paytda Klyuyvert navbatdagi o‘yinga tayyorgarlik ko‘rish uchun Malyorkada bo‘lgan. 

Niderlandiyalik yarim himoyachi “ko‘rshapalaklar” safida joriy mavsum barcha musobaqalarda 26 ta o‘yinda ishtirok etib, 8 ta gol va 2 ta golli uzatmaga mualliflik qildi.