Futbol bo‘yicha O‘zbekiston Superligasining 23-turida “Paxtakor” 29-oktyabr, yakshanba kuni “Buxoro” maydoniga safar qildi.
Uchrashuvning 90 daqiqasi davomida darvozalar ishg‘ol etilmadi. Biroq, o‘yin yakunida hakam qo‘shib bergan daqiqalarda “Paxtakor” foydasiga penalti belgilandi. 90+6-daqiqada Dragan Cheran penaltini noaniq amalga oshirdi, lekin qaytgan to‘p yana Cheranning o‘ziga tushdi. Hujumchi bu safar darvozani aniq nishonga oldi va jamoasining g‘alabasini ta’minladi.
“Sherlar” ochkolari sonini 49 taga yetkazib, musobaqa peshqadamligini mustahkamladi. “Buxoro” esa 15 ochko bilan eng so‘nggi o‘rinni egallab turibdi.
Superliga
23-tur
29-oktabr, yakshanba
“Buxoro” – “Paxtakor” 0:1
Gol: 0:1 — 90+6 Cheran
“Buxoro”: 50. Luka Kukich, 2. Izzatillo Po‘latov (4. Mirjalol Jumayev, 87), 5. Dilshod Jo‘rayev, 7. Muhammadjon Rahimov (70. Aleksandr Stanisavlevich, 67), 8. Asliddin Tursunpo‘latov (9. Jasur Xolto‘rayev, 56), 15. Diyorbek Ortiqboyev, 77. Asilbek Qayumov (11. Shohruz Norxonov, 46), 80. Farruhjon Ibrohimov, 88. Vsevolod Nixayev (6. Behzod Kamolov, 67), 91. Asiljon Begimqulov, 94. Frane Ikich.
“Paxtakor”: 36. Pavel Pavlyuchenko, 3. Hojiakbar Alijonov, 88. Shahzod Azmiddinov, 5. Muhammadqodir Hamraliyev, 34. Farruh Sayfiyev, 7. Odil Hamrobekov, 27. Sardor Sobirxo‘jayev (10. Dragan Cheran, 64), 28. Diyor Xolmatov, 8. Azizbek Turg‘unboyev, 20. Hojimat Erkinov, 11. Po‘latxo‘ja Xoldorxonov (19. Pshemislav Banashak, 46).
Ogohlantirishlar: Muhammadjon Rahimov (3), Diyorbek Ortiqboyev (28), Farruh Sayfiyev (40), Dilshod Jo‘rayev (76), Azizbek Turg‘unboyev (76), Luka Kukich (84).
Izoh (0)