Qoraqalpog‘iston Respublikasi Beruniy tumani hokimi Atabek Saparbayev lavozimidan ozod etildi. Bu haqda Jo‘qorg‘i Kenges matbuot xizmati xabar berdi.
Ma’lum qilinishicha, shuningdek, Nukus shahar davlat soliq inspeksiyasi boshlig‘i Saylaubay Usnatdinov ham lavozimidan ozod qilingan. U ushbu lavozimda 2021-yilning 19-yanvaridan beri ishlab kelayotgan edi.
Atabek Saparbayev 2018-yildan buyon Beruniy tumaniga hokimlik qilib kelayotgan edi. U hokimlikkacha Qoraqalpog‘iston Respublikasi Davlat soliq boshqarmasi boshlig‘i lavozimida faoliyat yuritgan.
Avvalroq Navoiy viloyati hokimi o‘rinbosari Qiziltepa tumani, IIB boshlig‘i o‘rinbosari esa Xatirchi tumani hokimi etib, Olimxon Rustamov esa Qashqadaryo viloyati hokimi o‘rinbosari etib tayinlangani to‘g‘risida xabar berilgandi.
Izoh (0)