YUNESKO Ijroiya kengashi O‘zbekiston tashabbusi asosida ishlab chiqilgan axborotdan foydalanish sohasidagi rezolyutsiyani bir ovozdan maʼqullagandi. Prezident yordamchisi Saida Mirziyoyeva ushbu muhim voqea bilan tabrikladi.
O‘zbekiston tashabbusi asosida ishlab chiqilgan “Xalqaro axborotdan erkin foydalanish kuni munosabati bilan Toshkent deklaratsiyasi” rezolyutsiyasi YUNESKO Ijroiya kengashining 217-sessiyasida bir ovozdan ma’qullangandi. Rezolyutsiyada 2022-yil sentyabrda Toshkent shahrida YUNESKO bilan hamkorlikda o‘tkazilgan Xalqaro axborotdan erkin foydalanish kuniga bag‘ishlangan konferensiya ahamiyati yuqori baholangan.
“Mazkur rezolyutsiyaning qabul qilinishi — O‘zbekistonda fuqarolarning so‘z erkinligi va axborotdan foydalanish huquqlarini ta’minlash bo‘yicha islohotlar jarayonida erishilgan yutuqlar xalqaro darajada e’tirof etilayotganining navbatdagi ifodasidir.
Hujjatni tayyorlashda hammuallif sifatida ishtirok etgan barcha hamkorlarimizga minnatdorlik bildiramiz va barcha hamkasblarni ushbu muhim voqea bilan tabriklaymiz”, — dedi Saida Mirziyoyeva.
Rezolyutsiya YUNESKO Bosh konferensiyasining 41-sessiyasida (9—24-noyabr kunlari Parij shahrida bo‘lib o‘tadi) ko‘rib chiqilishi va tasdiqlanishi uchun kiritiladi.
Izoh (0)