Andijon viloyati hokimi Shuhrat Abdurahmonov Asaka tumani hokimini ishdan oldi. Bu haqda viloyat hokimligi axborot xizmati xabar berdi.
Ma’lum qilinishicha, Andijon viloyati hokimi qaroriga asosan Asaka tumani hokimi lavozimida faoliyat yuritib kelgan Begzod Ummatov vazifasidan ozod etildi. Viloyat hokimi o‘rinbosari Nasibillo Mo‘minov Asaka tumani hokimi vazifasini vaqtinchalik bajaruvchi etib tayinlandi.
Tumanning sobiq hokimi Begzod Ummatov mehnat faoliyati davomida davlat boshqaruv tizimida bir qator vazifalarda ishlagan. Jumladan, 2004—2010-yillarda bank sohasida ishlagan, 2011-yildan Raqobatni rivojlantirish Davlat qo‘mitasi tizimida turli lavozimlarda faoliyat olib borgan. 2017—2019-yillar davomida Vazirlar Mahkamasida ishlagan.
Ummatov 2019-yilning fevral oyidan 2022-yil oktyabr oyiga qadar Monopoliyaga qarshi kurashish qo‘mitasi raisining o‘rinbosari sifatida ishlab kelayotgandi. 2022-yil oktyabr oyidan hozirga qadar Asaka tumani hokimi lavozimida ishlagan.
Izoh (0)