Adliya maslahatchisi Muzaffar Rashidov Xalq deputatlari Qibray tumani Kengashining qarori bilan tuman hokimi etib tayinlandi. Bu haqda Toshkent viloyati hokimligi matbuot xizmati xabar berdi.
Muzaffar Rashidov 1987-yili Toshkent viloyati Zangiota tumanida tug‘ilgan. Maʼlumoti – oliy. 2009-yilda Toshkent davlat yuridik institutini tamomlagan.
Lavozimga tayinlangunga qadar, Ohangaron tumani prokurori lavozimida ishlab kelayotgan edi.
Avgust boshlarida prezident Shavkat Mirziyoyev Qibray tumani hokimi va Yangiyo‘l tumani hokimi hamda ushbu tumanlarning 4 ta sektor rahbarlarini lavozimidan olgandi.
Shuningdek, Odiljon Ataullayev Xalq deputatlari Yangiyo‘l tumani kengashining qarori bilan tuman hokimi etib tayinlandi.
Odiljon Ataullayev 1980-yilda Surxondaryo viloyati Denov tumanida tug‘ilgan. Maʼlumoti oliy. 2008-yil Andijon davlat universitetini tamomlagan. Lavozimga tayinlangunga qadar Nurafshon shahri kambag‘allikni qisqartirish va bandlikka ko‘maklashish bo‘limi rahbari vazifasida ishlab kelayotgandi.
Bundan oldin Ohangaron tumanining sobiq hokimi Zoir Mirzayevga birinchi o‘rinbosar bo‘lgani to‘g‘risida xabar berilgandi.
Izoh (0)