“Qozog‘iston hukumati nima deydi, kuzatamiz” — AQSH elchisi

AQSHning Qozog‘istondagi elchisi Daniel Rozenblum diplomatik missiya xorijdan moliyalashtiriladigan shaxslar va tashkilotlar ro‘yxati bilan bog‘liq vaziyatni diqqat bilan kuzatib borayotganini ta’kidladi. Bu haqda “Zakon.kz” xabar berdi.

Daniel Rozenblumning so‘zlariga ko‘ra, ushbu ro‘yxat va boshqa mamlakatlar qonunlari allaqachon o‘xshashliklarni keltirib chiqargan, ammo bu farqlanadi.

“Bu ro‘yxatlar haqida xabardormiz va elchixonamiz hozir diqqat bilan kuzatib bormoqda. Shuningdek, ushbu ro‘yxat eʼlon qilinganidan keyin nodavlat notijorat tashkilotlari va ommaviy axborot vositalarining munosabatini ham kuzatmoqdamiz.

Baʼzilar bu ro‘yxat va boshqa mamlakatlarda mavjud ‘xorijiy agentlar’ bo‘yicha qonunlar o‘rtasida o‘xshashlikni ko‘rgan. Odamlar nega bunday taqqoslashini tushunaman, lekin shuni aytmoqchimanki, bu turli narsalar”, — dedi AQSH elchisi.

U xorijdan moliyalashtiriladigan shaxslar ro‘yxatida bo‘lish hozirda jismoniy shaxslar yoki tashkilotlar uchun hech qanday huquqiy oqibatlarga olib kelmasligini aytdi.

“Bu ularning kundalik faoliyati uchun hech qanday oqibatlarga olib kelmaydi. Agar haqiqatan ham shunday bo‘lsa, shunday qolishini istardik. Ya’ni, bu tashkilotlarning faoliyatiga hech qanday oqibatlar yoki to‘siqlar bo‘lmasligi uchun. Biz vaziyatni — Qozog‘iston hukumati, nohukumat tashkilotlar nima deydi, kuzatamiz. Xavotirga sabab bo‘ladigan vaziyat yuzaga kelsa, hukumat bilan suhbatlarimizda ularni, albatta, tilga olamiz”, — dedi u.