Qozog‘istonning Qarag‘an shahri issiqlik elektr stansiyasida ro‘y bergan avariya tufayli elektr ta’minotidan uzilib qoldi, deb yozmoqda “Zakon.kz”. IESda avariya bugun ertalab yuz bergan. Shu sababli butun shaharda elektr energiyasi o‘chgan.
“Qarag‘anda, butun shahar elektr energiyasiz qoldi. Hokimiyat buning sababini bilmasligini, Jarik bilan bog‘lanishning iloji yo‘qligini aytmoqda. Odamlarning aytishicha, shaharni energiya bilan ta’minlovchi IESda jiddiy avariya yuz bergan”, — dedi nashrga qarag‘andaliklar.
Qarg‘anda viloyati hokimligi energetika obyektida avariya yuz berganini tasdiqladi. Biroq viloyat rahbari sodir bo‘lgan voqeaning boshqa tafsilotlarini keltirmadi.
“Hurmatli Qarag‘anda viloyati aholisi, bugun ertalab Qarag‘anda shahrining IES-3 va Taparskaya GRES-2 da avariya holati yuzaga keldi. IES-3 da himoyani faollashtirish shaklida texnologik qoidabuzarlik sodir bo‘ldi, natijada 220 kV ochiq kommutator o‘chirildi. Sabab va holatlarga oydinlik kiritilmoqda”, — dedi Qarag‘anda viloyati hokimi Ermaganbet Bulekpayev.
Mahalliy ijroiya organi elektr taʼminotisiz qolgan abonentlarning aniq soniga ham aniqlik kiritilayotganini taʼkidladi. Viloyat rahbari topshirig‘i bilan hokimning birinchi o‘rinbosari voqea sodir bo‘lgan stansiyaga borib, voqeaning barcha holatlarini o‘rgandi. Biroq viloyat hokimligi elektr taʼminoti qachon to‘liq tiklanishini maʼlum qilgani yo‘q.
Avval ushbu viloyat aholisi tabiiy ofatni boshdan kechirgandi. Kuchli yog‘ingarchilikdan so‘ng shahar ko‘chalari suv ostida qolgan, kanalizatsiya tizimi kuchli yomg‘ir oqibatlariga bardosh bera olmagan.
Izoh (0)