АҚШнинг Қозоғистондаги элчиси Даниэль Розенблум дипломатик миссия хориждан молиялаштириладиган шахслар ва ташкилотлар рўйхати билан боғлиқ вазиятни диққат билан кузатиб бораётганини таъкидлади. Бу ҳақда “Закон.кз” хабар берди.
Даниэль Розенблумнинг сўзларига кўра, ушбу рўйхат ва бошқа мамлакатлар қонунлари аллақачон ўхшашликларни келтириб чиқарган, аммо бу фарқланади.
“Бу рўйхатлар ҳақида хабардормиз ва элчихонамиз ҳозир диққат билан кузатиб бормоқда. Шунингдек, ушбу рўйхат эълон қилинганидан кейин нодавлат нотижорат ташкилотлари ва оммавий ахборот воситаларининг муносабатини ҳам кузатмоқдамиз.
Баъзилар бу рўйхат ва бошқа мамлакатларда мавжуд ъхорижий агентларъ бўйича қонунлар ўртасида ўхшашликни кўрган. Одамлар нега бундай таққослашини тушунаман, лекин шуни айтмоқчиманки, бу турли нарсалар”, — деди АҚШ элчиси.
У хориждан молиялаштириладиган шахслар рўйхатида бўлиш ҳозирда жисмоний шахслар ёки ташкилотлар учун ҳеч қандай ҳуқуқий оқибатларга олиб келмаслигини айтди.
“Бу уларнинг кундалик фаолияти учун ҳеч қандай оқибатларга олиб келмайди. Агар ҳақиқатан ҳам шундай бўлса, шундай қолишини истардик. Яъни, бу ташкилотларнинг фаолиятига ҳеч қандай оқибатлар ёки тўсиқлар бўлмаслиги учун. Биз вазиятни — Қозоғистон ҳукумати, ноҳукумат ташкилотлар нима дейди, кузатамиз. Хавотирга сабаб бўладиган вазият юзага келса, ҳукумат билан суҳбатларимизда уларни, албатта, тилга оламиз”, — деди у.
Изоҳ (0)