Shavkat Mirziyoyev 8-sentabr kuni Butunjahon etnosport konfederatsiyasi raisi Najmiddin Bilol Erdo‘g‘on boshchiligidagi delegatsiyani qabul qildi, deb xabar bermoqda Prezident matbuot xizmati.
Ma’lum qilinishicha, uchrashuv avvalida Bilol Erdo‘g‘an O‘zbekiston yetakchisiga Turkiya prezidenti Rajab Toyyib Erdo‘g‘on salomi va eng ezgu tilaklarini yetkazdi.
Suhbat davomida milliy sport turlari va xalq o‘yinlarini yanada rivojlantirish va ommalashtirish masalalari yuzasidan fikr almashildi.
Ilk bor Xiva shahrida dunyoning 60 dan ortiq mamlakatidan qariyb ikki ming nafar sportchi ishtirokida o‘tkazilayotgan Xalqaro etnosport festivali qo‘llab-quvvatlangani va yuksak darajada tashkil etilgani uchun samimiy minnatdorlik bildirildi.
Suhbatda qo‘shma “yo‘l xaritasi” asosida ta’lim dasturlarini ishlab chiqish, tajriba almashish, mutaxassislar, murabbiy va hakamlarni tayyorlash, yoshlarni etnosportga keng jalb qilish bo‘yicha hamkorlikni kengaytirish masalalari ko‘rib chiqildi.
Izoh (0)