“Mehridaryo” loyihasiga uch yildan buyon jigar sirrozi bilan og‘riyotgan bemor Nargiza Husainova murojaat qilib, operatsiyasi uchun xalqdan yordam so‘radi.
— 46 yoshimdan buyon jigar sirrozi bilan og‘riyman. Jigarim qurib qolgani uchun shifokorlar zudlik bilan operatsiya qilish kerakligini aytishyapti. Ikki nafar farzandim bor, katta o‘g‘lim donor bo‘lmoqchi. Operatsiyaga 70 million so‘m ketar ekan. Oilamning yolg‘iz boquvchisi o‘g‘lim, agar u donor bo‘ladigan bo‘lsa 1-2 yil ishga yaroqsiz bo‘ladi. Kenja farzandim esa maktabda o‘qiydi.
Bundan tashqari, u Chinozdagi uyini sotib, 2020-yilda Toshkentda qurilayotgan yangi uylardan biriga to‘lov qilgan. Ammo uy haligacha egalariga topshirilgani yo‘q. U hozirda ikki nafar farzandi bilan tuman hokimligi tomonidan berilgan kichik yotoqxonada yashamoqda.
— Biz aldandik, uy pulini to‘liq to‘laganman. Ammo haligacha uy topshirilgani yo‘q. Hokimiyat xodimlari esa sentabr oyida vaqtincha yashab turishim uchun berilgan uyni bo‘shatib qo‘yishimni aytishyapti.
Uch yildan buyon qiynalib ketdim. Operatsiya qildirishim kerak. Jonim og‘rib ketdi. Iltimos, yaxshi insonlar yordam beringlar, — deydi bemor Nargiza Husainova.
Xusainova Nargizaga xayriya qilishni istasangiz,
8600 3329 5758 3606 (Xusainova Nargiza)
Murojaat uchun telefon: +99894 336-99-03
Izoh (0)