“3 йилдан буён жигар циррози ва уйсизликдан қийналиб кетдим” — тошкентлик аёл яхшилар кўмагига муҳтож (фото)

“Меҳридарё” лойиҳасига уч йилдан буён жигар циррози билан оғриётган бемор Наргиза Ҳусаинова мурожаат қилиб, операцияси учун халқдан ёрдам сўради.

— 46 ёшимдан буён жигар циррози билан оғрийман. Жигарим қуриб қолгани учун шифокорлар зудлик билан операция қилиш кераклигини айтишяпти. Икки нафар фарзандим бор, катта ўғлим донор бўлмоқчи. Операцияга 70 миллион сўм кетар экан. Оиламнинг ёлғиз боқувчиси ўғлим, агар у донор бўладиган бўлса 1-2 йил ишга яроқсиз бўлади. Кенжа фарзандим эса мактабда ўқийди.

Бундан ташқари, у Чиноздаги уйини сотиб, 2020 йилда Тошкентда қурилаётган янги уйлардан бирига тўлов қилган. Аммо уй ҳалигача эгаларига топширилгани йўқ. У ҳозирда икки нафар фарзанди билан туман ҳокимлиги томонидан берилган кичик ётоқхонада яшамоқда.

— Биз алдандик, уй пулини тўлиқ тўлаганман. Аммо ҳалигача уй топширилгани йўқ. Ҳокимият ходимлари эса сентябрь ойида вақтинча яшаб туришим учун берилган уйни бўшатиб қўйишимни айтишяпти. 
Уч йилдан буён қийналиб кетдим. Операция қилдиришим керак. Жоним оғриб кетди. Илтимос, яхши инсонлар ёрдам беринглар, — дейди бемор Наргиза Ҳусаинова.

Хусаинова Наргизага хайрия қилишни истасангиз,

8600 3329 5758 3606 (Хусаинова Наргиза)

Мурожаат учун телефон: +99894 336-99-03