“Oqqon kasaliga chalingan qizimni davolatishga mablag‘imiz yetmayapti” — xorazmlik ona bolasi uchun xalqdan yordam so‘ramoqda (foto)

“Mehridaryo” loyihasiga Xorazm viloyati Qo‘shko‘pir tumanida yashovchi Jamila Hasanova murojaat qilib, oqqon kasalligiga chalingan qizini davolatish uchun xalqdan yordam so‘radi.

— 2020-yili tug‘ilgan farzandim Jasmina Qilicheva tinimsiz tish og‘rig‘idan aziyat chekardi. Og‘riqlar butun tanaga tarqalganidan keyin uni jiddiy tekshiruvdan o‘tkazishdi va unda oqqon kasalligini aniqlashdi. Toshkentga kelib, kimyo-terapiya muolajalarini olganimizdan keyin ahvoli biroz yaxshilandi. Ammo bu kasallikni davolatish uchun juda katta mablag‘ kerak ekan.
Turmush o‘rtog‘im dehqonchilik bilan shug‘ullanadi. Farzandim bilan fevral oyidan buyon Toshkentda ijara uyda yashab, kunlik muolajalarga borib kelyapmiz. Ikki bosqichdan iborat davo muolajalarini oldi. Ammo moliyaviy ahvolimiz yomon. Hozir bir donasi 600 ming so‘m turadigan doridan 8 ta xarid qilishimiz kerak. Ammo mablag‘imiz yo‘qligi uchun muolajalarni ortga suryapmiz.
Bolam og‘riqdan ko‘p qiynaladi, haligacha tish og‘rig‘idan aziyat chekadi. Ishtahasi yo‘q, hatto turib yurishga ham holi bo‘lmay qoladi. Hech qachon xalqdan moliyaviy yordam so‘rayman deb o‘ylamagandim. Ona farzandi uchun hamma narsaga tayyor bo‘lar ekan. Ilojsizlikdan sizdan yordam so‘rayapman, qo‘lingizdan kelgancha yordam beringlar, — deydi bemorning onasi.

Jasmina Qilichevaga xayriya qilishni istasangiz, 

8600 0604 4372 0686
(Xasanova Jamila)

Murojaat uchun telefon: +998 88) 510 02 89