“Mehridaryo” loyihasiga Kitob tumanida yashovchi Mahsura Ochilova murojaat qilib, olti yoshli o‘g‘li Samir Isomiddinovni davolatish uchun xalqdan yordam so‘radi.
— O‘g‘lim uch yoshida ketma-ket shamolladi va tinimsiz isitmalay boshladi. Uni tekshirtirsak, limfa bezlari shishganini aytishdi. 2021-yildan buyon davolatishga harakat qildik. Moddiy imkoniyatimiz u qadar yaxshi emas edi, shu bois davolatish uchun uyimizni ham sotishga majbur bo‘ldik.
Hozirda uch farzandimiz bilan ijara uyda yashaymiz. Keyingi paytlarda o‘g‘limning bo‘ynidagi limfa bezlari shishib, kasalligi oqqonga aylanish arafasida ekanini aytishdi. O‘g‘lim tinimsiz isitmalaydi, butun tanasi ko‘karib ketadi. Qoni nihoyatda kam.
O‘g‘limni davolatishim va kerakli dorilarni olib berishim kerak. Turmush o‘rtog‘im qurilish sohasida ishlaydi, oyiga besh million maosh oladi. Ammo topgan puli ba’zan ikki-uch kunlik dorilarga ham yetmaydi. Samirbek oilamizning yolg‘iz o‘g‘li bo‘ladi. Sizlardan iltimos qilaman, o‘g‘limni davolatish uchun qo‘lingizdan kelgancha yordam beringlar, — deydi bemorning onasi Mahsura Ochilova.
Isomiddinov Samirga xayriya qilishni istasangiz
8600 0609 7042 0973 (Ochilova Mahsura)
Murojaat uchun: +998 99 193 89 99
Izoh (0)