“Mehridaryo” loyihasiga Farg‘ona viloyati O‘zbekiston tumanida yashovchi Ziyodaxon Ismoilova murojaat qilib, dardga chalingan yolg‘iz o‘g‘lini davolatish uchun xalqdan yordam so‘radi.
— O‘g‘lim Izzatulla Ismoilov 2014-yili dunyoga kelgan. To‘rt yoshida tez-tez kasallikka chalinib, holsizlanib qoldi. Unga shifokorlar trombosit bilan bog‘liq tashxisni qo‘ydi. 2021-yilda esa kasalligi aplastik anemiyaga aylanib ketdi. Qon va trombositlarga ehtiyojimiz bor. Chunki bolamning organizmi o‘zini qon va trombositlar bilan ta’minlay olmayapti. Har ikki oyda o‘zim qon berardim, ammo trombositni faqat erkak kishidan olib quyish kerak ekan.
Turmush o‘rtog‘im bilan ajrashganman. Yaqinlarining talabi bilan u bizdan xabar olmaydi. Hatto, aliment to‘lamaslik uchun bolaga o‘z ism-familiyasini ham bermagan.
Farzandimni davolatish uchun qaytib oila qurmadim. “Farzandsiz nikohimga olaman”, deganlarga rad javobini beraman. Chunki bolamdan hech qachon voz kecholmayman.
Oxirgi tekshiruvlarga ko‘ra, o‘g‘limning qonida gepatit C kasalligi ham aniqlandi. Uni zudlik bilan davolatishimiz kerak. Ammo qo‘limiz kaltalik qilyapti. Ota-onam nafaqaxo‘r, o‘g‘lim ham 700 ming nogironlik nafaqasini oladi. Ammo nafaqa pullari bilan uning kasalligini davolatish imkonsiz.
Yaxshi insonlar bizga yordam beringlar. O‘g‘lim sog‘ayib, boshqa bolalardek maktabga borib o‘qishini istayman, — deydi bemorning onasi.
Ismoilov Izzatullaga xayriya qilishni istasangiz,
8600 0424 4437 9969 Ismoilova Ziyodaxon
Murojaat uchun: +99890-852-11-21
Izoh (0)