“Mehridaryo” loyihasiga Farg‘ona viloyati Qo‘shtepa tumanida yashovchi ayol murojaat qilib, buyrak yetishmovchiligidan qiynalayotgan jiyani Rahmatillo Abdulazizovning operatsiyasiga xalqdan yordam so‘radi.
— Jiyanim 1988-yilda tug‘ilgan, uch nafar voyaga yetmagan farzandi bor. Unda buyrak yetishmovchiligi o‘tgan yildan boshlangan ekan. Ammo biz buni bilmaganmiz. Shu yilning yoz oyida kasalxonaga yotib chiqqanidan keyin kasallik zo‘rayib ketgani va ikkita buyrak ham ishdan chiqqanligi ma’lum bo‘ldi. Oyoq-qo‘li va betlari shishib, qattiq og‘rib qolyapti.
Toshkentga borib tekshirtirganimizda agar yaqinlari orasida donor bo‘lsa zudlik bilan operatsiya qildirish kerakligini aytishdi. Akasi bir buyragini berishga rozi bo‘ldi.
Uch oy ichida to‘rt marta Toshkentga kelib, tahlillar topshirdik. Narx-navo juda baland, bitta DNK tahlilining o‘zi 20 million so‘m ekan. Hozir operatsiya davlat tomonidan qilinadi deyishyapti, shunda ham muolajalar uchun 70 million pul kerakligini aytishdi.
Jiyanlarimning onasi olamdan o‘tgan, akam oddiy nafaqaxo‘r. Ikkita o‘g‘li bor edi, agar ikkisi ham operatsiya bo‘lsa kamida bir yil ishga yaroqsiz bo‘lib qolar ekan. Qarindosh urug‘lar qo‘ldan kelgancha pul to‘plab berdik, baribir qo‘limiz kaltalik qilyapti. Shunga xalqdan yordam so‘rashga majbur bo‘lyapmiz. Buning uchta, donor akasining esa ikkita voyaga yetmagan farzandi bor. Xalq katta kuch, qo‘ldan kelgancha yordam berishsa shu jiyanimning ham mushkuli oson bo‘lardi, — deydi bemorning ammasi.
Rahmatillo Abdulazizovga xayriya qilishni istasangiz,
9860 0803 9491 3117 (Abdulazizova Ra’noxon)
Murojaat uchun: +998 99) 834 49 90
Izoh (0)