“Mehridaryo” loyihasiga Farg‘ona viloyati Bog‘dod tumanida yashovchi Holniso Tojiboyeva murojaat qilib, jigarini qayta davolatish uchun xalqdan yordam so‘ramoqda.
— O‘n yildan buyon jigar serrozi kasalligi bilan davolanib kelaman. 2023-yilning 16-fevral kuni Hindistonga borib, operatsiya qildirib keldik. Yolg‘izgina talaba o‘g‘lim donor bo‘lib, jigarining yarmini berdi.
Hindistonga borib operatsiya qildirish ham juda qimmatga tushar ekan. U yerga borishimiz uchun aka-ukalarim yerlarini, qoramollarini sotib yordam berishdi. Ammo oxirgi oylarda fermentlarim oshib, yana kuchli og‘riqlar sezilyapti. O‘zbek shifokorlariga murojaat qilsam, operatsiya qilgan shifokor ko‘rikdan o‘tkazishi kerakligini aytishdi. Toshkentga hind shifokorlari kelishganida qabuliga bordim. Ular zudlik bilan Hindistonga borishni va qayta operatsiya qildirish kerakligini aytishdi. Bunga taxminan 40 million mablag‘ kerak ekan. Rosti, bizda buncha mablag‘ yo‘q. Ukalarimning ham bola-chaqasi bor, ularning ham sotadigan narsasi qolgani yo‘q.
Uchta farzandim bor. Faqatgina katta qizimni turmushga berganman. O‘g‘lim operatsiyadan keyin 2-3 yil og‘ir ishga yaroqsiz bo‘lib qoldi. Kenja qizim esa hali maktab o‘quvchisi. Turmush o‘rtog‘im kunlik ishlarga chiqib ro‘zg‘orni tebratib turibdi. Yaxshi insonlar, farzandlarimning to‘yini ko‘rishni, yashashni istayman. Agar imkoninglar bo‘lsa, davolanishim uchun qo‘ldan kelgancha yordam beringlar, — deydi bemor Holniso Tojiboyeva.
Tojiboyeva Holnisoga xayriya qilishni istasangiz,
4073 4200 8199 1451 (Kholinsa Tojiboeva)
Murojaat uchun: +99891 691-75-59 +99877 017-75-59
Izoh (0)