Internetda tarqalgan xabarga ko‘ra, madaniyat vaziri Ozodbek Nazarbekov “Ohangaron mo‘jiza bog‘i” MCHJning 40 foiz ulushiga egalik qilmoqda.
Bu haqdagi maʼlumotlar Orginfo.uz saytida keltirilgan. Manbada qayd etilishicha, korxona 2011-yil 7-aprelda Ohangaron tumani hokimiyati ro‘yxatidan o‘tkazilgan. Ustav fondi 91,3 million so‘m, boshqaruv rahbari Abduvohid Irsaliyev ekani ko‘rsatilgan.
.jpg)
Davlat reyestrida “Ohangaron mo‘jiza bog‘i” MCHJning faoliyat turi sifatida danakli va po‘choqli urug‘i bo‘lgan mevalar yetishtirish ekani yozilgan. Firmaning yuridik manzili Toshkent viloyati Ohangaron tumanida joylashgani qayd etilgan. Shuningdek, mazkur korxona haqidagi ma’lumotlar Yagona interaktiv davlat xizmatlari portalida ham keltirilgan.
O‘zbekiston qonunchiligida davlat fuqarolik xizmatchisi tadbirkorlik faoliyati subyektlarini tashkil etishga, ularning muassisi (ishtirokchisi) bo‘lishga, tadbirkorlik faoliyati subyektida tashkiliy-boshqaruv, maʼmuriy-xo‘jalik vazifalarini bajarishi mumkin emasligi belgilangan.
Izoh (0)