Toshkent shahrida yangi avtobus yo‘nalishi harakati tashkil etilmoqda. Bu haqda “Toshshahartransxizmat” AJ axborot xizmati xabar berdi.
Unga ko‘ra, 14-avgust kunidan boshlab, 171-sonli Bo‘zsuv markazi—Chilonzor metrosi yangi avtobus yo‘nalishi harakati tashkil etilmoqda. Yo‘nalish harakati Toshkent viloyati, Zangiota tumani, “Bo‘zsuv” QFY hududidan 4K716, M-39 avtomobil yo‘llari va Bunyodkor shohko‘chasi orqali “Chilonzor metrosi” bekatiga qadar, ish tartibi soat 05:30 dan 21:10 gacha etib belgilandi.
Mazkur yo‘nalishda xizmat ko‘rsatish huquqi jamiyatning “7-Avtobus saroyi” filialiga biriktirilib, yo‘nalishda kichik sig‘imli Isuzu rusumli avtobuslar harakatlanishi belgilangan.
Izoh (0)