Интернетда тарқалган хабарга кўра, маданият вазири Озодбек Назарбеков “Оҳангарон мўжиза боғи” МЧЖнинг 40 фоиз улушига эгалик қилмоқда.
Бу ҳақдаги маълумотлар Orginfo.uz сайтида келтирилган. Манбада қайд этилишича, корхона 2011 йил 7 апрелда Оҳангарон тумани ҳокимияти рўйхатидан ўтказилган. Устав фонди 91,3 миллион сўм, бошқарув раҳбари Абдувоҳид Ирсалиев экани кўрсатилган.
.jpg)
Давлат реестрида “Оҳангарон мўжиза боғи” МЧЖнинг фаолият тури сифатида данакли ва пўчоқли уруғи бўлган мевалар етиштириш экани ёзилган. Фирманинг юридик манзили Тошкент вилояти Оҳангарон туманида жойлашгани қайд этилган. Шунингдек, мазкур корхона ҳақидаги маълумотлар Ягона интерактив давлат хизматлари порталида ҳам келтирилган.
Ўзбекистон қонунчилигида давлат фуқаролик хизматчиси тадбиркорлик фаолияти субъектларини ташкил этишга, уларнинг муассиси (иштирокчиси) бўлишга, тадбиркорлик фаолияти субъектида ташкилий-бошқарув, маъмурий-хўжалик вазифаларини бажариши мумкин эмаслиги белгиланган.
Изоҳ (0)