“Mehridaryo” loyihasiga quvalik A’zamjon Arziqulov murojaat qilib, uch yildan buyon ko‘ksartiroz kasalligi bilan og‘riyotgani va yana jarrohlik amaliyotini boshidan o‘tkazishi kerakligini aytib, xalqdan yordam so‘radi. Oilaning moddiy ahvoli og‘ir, nafaqa puli dorilariga ham yetmayotganini ma’lum qildi.
— Bir yilning ichida uch marta jarrohlik amaliyotini boshdan kechirdim. Birinchi operatsiya Toshkentda bo‘ldi, undan keyingilari Farg‘onada o‘tkazildi. Ammo ahvolim o‘nglanib ketgani yo‘q. Hozirda shifokorlar zudlik bilan Toshkentga borib, operatsiya qilish va suyaklar orasida yig‘ilgan yiringni olib tashlash kerakligini aytishyapti. Bo‘lmasa, oyoqni kesishga to‘g‘ri kelar ekan. O‘tgan yildan boshlab, nogironlik nafaqasiga chiqarishdi. 700 ming pensiya olaman. Ammo u dorilardan va yeb-ichishdan ortmaydi. Gazdan ham uch million so‘m qarzimiz bor edi. To‘lolmaganimiz uchun uzib ketishdi. Oradan bir necha oy o‘tgan bo‘lsa ham qarzni uzolganimiz yo‘q.
Alloh bizga bittagina o‘g‘il farzand bergandi. Afsuski, umri qisqa ekan, 24 yoshida avtohalokat sabab vafot etdi.
Oyoqlarim tinimsiz og‘riydi, eng yomoni zudlik bilan operatsiya qilinmasa, kasallik zo‘rayib oyog‘imdan ayrilishim mumkin ekan. Agar shunday bo‘lsa ayolimga bugungidan-da, qiyin bo‘ladi. Shu bois, sahovatpesha insonlardan yordam so‘rab murojaat qilyapman. Qo‘lingizdan kelgancha yordam beringlar, umrimning so‘nggiga qadar duo qilaman, — deydi A’zamjon Arziqulov.
A’zamjon Arziqulovga xayriya qilishni istasangiz,
6262 7300 9389 0624 (Laylo Maxmudova)
Murojaat uchun telefon: +99891 166-88-08
Izoh (0)