“Mehridaryo” loyihasiga Toshkent shahrida yashovchi Viloyat Qosimova murojaat qilib, to‘rt oydan buyon jarrohlik amaliyotidan qolgan asoratlardan aziyat chekayotgani va moliyaviy imkoniyati sabab davolana olmayotganini ma’lum qildi.
— 2022-yil kuchli bosh og‘rig‘i, hushdan kechish va xotira susayishi kuzatilgani uchun Toshkentdagi shifokorlar, Hindistonga borib jarrohlik amaliyotini o‘tkazib kelishni tavsiya qilishdi. Hindistonlik shifokorlar jiddiy tekshiruvlardan o‘tkazib, nafaqat muammo bosh qismimda, balki o‘t pufak va jigarda ham borligini aniqlashdi. Jarrohlik amaliyoti 9 soat davom etdi. Hindistonda jarohat ip bilan emas, maxsus sim bilan tikilar ekan. “Olti oydan keyin simlarni olishimiz kerak”, deyishdi. Oilaviy sharoitim sabab u yerda qololmasdim, shu bois olti oyni kutmay Toshkentga qaytdim. Simlarni Toshkentda oldirmoqchi bo‘lib, bir nechta shifokorlarga murojaat qildim. Ammo ular bu amaliyot Hindistonda amalga oshirilgani uchun o‘sha yerga borishim va operatsiya qilgan jarrohgina uni olishga haqli ekanligini aytishyapti. Hozir simlarni oldirishga to‘rt oy kechikdim, chunki yo‘l puli va tibbiy xarajatlar uchun mablag‘ to‘plolmayapman. Yiring yig‘ilayotgani sabab, jigarimda tinimsiz og‘riq bor, ozib, rangim ham so‘lg‘in bo‘lib qolgan.
Hozir qo‘limda 1 500 dollar pulim bor. Ammo Hindistonga borishim uchun 4 000 AQSH dollari kerak ekan. Oilaliman, turmush o‘rtog‘im va 3 nafar voyaga yetmagan farzandim bor. Ular uchun ham hayotga qaytishim, sog‘lig‘imni tiklashim kerak. Xayriya loyihasida ishtirok etishga ham ikkilandim, ilojsizlikdan xalqdan yordam so‘rayapman, — deydi Viloyat Qosimova.
Viloyat Qosimovaga xayriya qilishni istasangiz,
5614 6808 0929 9270
(Kosimova Viloyat)
Murojaat uchun telefon: +998 93) 057 75 15
Izoh (0)