“Mehridaryo” loyihasiga Qo‘qon shahrida yashovchi Xilola Mahmudova murojaat qilib, jigar sirroziga chalingan o‘g‘lini Hindistonda davolatish uchun xalqdan yordam so‘ramoqda.
— O‘g‘lim Fayzbek Abdumalikov 9 yoshidan buyon jigar sirrozi kasalligi bilan og‘riydi. Olti yildan buyon har uch oyda Toshkentga kelib, o‘g‘limni davolataman. So‘nggi xulosalarga ko‘ra, o‘g‘limning talog‘i kattalashib, jigarini ezib qo‘ygan. Shuning uchun shifokorlar uni zudlik bilan Hindistonga olib borib, jigar ko‘chirib o‘tkazish amaliyotini o‘tkazish kerakligini aytishyapti. Afsuski, bu operatsiya O‘zbekistonda o‘tkazilmaydi. Qon tahlillarim to‘g‘ri kelgani uchun o‘zim donor bo‘lishga qaror qildim. Hindistondagi klinikadan chaqiruv qog‘ozlari ham yuborilgan. Ammo Hindistonga ketishga yetarli mablag‘imiz yo‘q. Operatsiya, dori-darmon va u yerda vaqtinchalik yashash harajatlari 30 ming AQSH dollari bo‘lishini aytishdi. Yolg‘iz o‘g‘limni davolatish uchun o‘zim kurashib kelyapman. Yordam so‘ramagan joyim qolmadi. Shukrki, qo‘limizda 20 ming AQSH dollari bor. Ishonamanki, yaxshi insonlar bizga yordam berishadi.
O‘g‘lim bolalik gashtini ham surolmadi. Tinimsiz og‘riqlar uni azoblaydi. U 4-sinfdan buyon maktabga bormaydi, sinfdoshlari hozir 8-sinf bo‘lishgan. Operatsiyadan keyin farzandim ham tengdoshlari singari maktabda o‘qishini, o‘ynab-kulib yurishini orzu qilaman. Yaxshi insonlar, o‘g‘limni duo qiling, imkoningiz bo'lsa moddiy yordam bering, — deydi qo‘qonlik Hilola Mahmudova.
Fayzbek Abdumalikovga xayriya qilishni istasangiz,
8600 0610 1289 4365
Maxmudova Hilola
Murojaat uchun telefon: +99890) 151 16 85, +99891) 150 08 86
Izoh (0)