“Меҳридарё” лойиҳасига қувалик Аъзамжон Арзиқулов мурожаат қилиб, уч йилдан буён кўксартироз касаллиги билан оғриётгани ва яна жарроҳлик амалиётини бошидан ўтказиши кераклигини айтиб, халқдан ёрдам сўради. Оиланинг моддий аҳволи оғир, нафақа пули дориларига ҳам етмаётганини маълум қилди.
— Бир йилнинг ичида уч марта жарроҳлик амалиётини бошдан кечирдим. Биринчи операция Тошкентда бўлди, ундан кейингилари Фарғонада ўтказилди. Аммо аҳволим ўнгланиб кетгани йўқ. Ҳозирда шифокорлар зудлик билан Тошкентга бориб, операция қилиш ва суяклар орасида йиғилган йирингни олиб ташлаш кераклигини айтишяпти. Бўлмаса, оёқни кесишга тўғри келар экан. Ўтган йилдан бошлаб, ногиронлик нафақасига чиқаришди. 700 минг пенсия оламан. Аммо у дорилардан ва еб-ичишдан ортмайди. Газдан ҳам уч миллион сўм қарзимиз бор эди. Тўлолмаганимиз учун узиб кетишди. Орадан бир неча ой ўтган бўлса ҳам қарзни узолганимиз йўқ.
Аллоҳ бизга биттагина ўғил фарзанд берганди. Афсуски, умри қисқа экан, 24 ёшида автоҳалокат сабаб вафот этди.
Оёқларим тинимсиз оғрийди, энг ёмони зудлик билан операция қилинмаса, касаллик зўрайиб оёғимдан айрилишим мумкин экан. Агар шундай бўлса аёлимга бугунгидан-да, қийин бўлади. Шу боис, саҳоватпеша инсонлардан ёрдам сўраб мурожаат қиляпман. Қўлингиздан келганча ёрдам беринглар, умримнинг сўнггига қадар дуо қиламан, — дейди Аъзамжон Арзиқулов.
Аъзамжон Арзиқуловга хайрия қилишни истасангиз,
6262 7300 9389 0624 (Лайло Махмудова)
Мурожаат учун телефон: +99891 166-88-08
Изоҳ (0)