Samarqand viloyati, Samarqand shahri, Vohida Abdullayeva ko‘chasidagi “Geofizika” oqova suv tozalash inshooti kimoshdi savdosiga qo‘yildi. Ma’lumotlar “E-auksion” portalida e’lon qilingan.
Lot auksionga “Samarqand suv ta’minot” tomonidan qo‘yilgan. Bino xatlanmagan.
1983-yilda qurilgan ushbu bino bir qavat va o‘nta xonadan iborat. U orqali temiryo‘l tarmog‘i o‘tmagan.
Yer uchastkasining umumiy maydoni — 8,5 gektar. Binoning maydoni — 4615,69 kvadrat metr. Binoda suv, gaz va elektr ta’minoti, kanalizatsiya tizimi mavjud.
Lot izohiga ko‘ra, M37 avtomobil yo‘lidan ushbu hududga kirish uchun Samarqand viloyat hokimligi tomonidan yo‘l ajratilishi ko‘zda tutilgan.
Auksionga qo‘yilgan binoning boshlang‘ich bahosi — 50,4 mlrd so‘m. Arizalar 22-may 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkentdagi omborxona 62 mlrd so‘mga auksionga qo‘yilgani haqida xabar berilgandi.
Izoh (0)