UzAuto Motors avtokonserni 2023-yilning birinchi choragida 258,7 mlrd so‘m sof foyda oldi. Bu haqda “Daryo”ga kompaniya moliyaviy hisobotidan ma’lum bo‘ldi.
-30.jpg)
Avtomobil ishlab chiqaruvchi kompaniyaning sof foydasi 2022-yilning mos davriga nisbatan 43,8 foizga kamaydi. Daromad esa bu davrda 8,7 trln so‘mdan 8,8 trln so‘mgacha oshdi.
Shunga qaramay, UzAuto Motors xarajatlari dastlabki chorakda o‘tgan yilning mos davriga nisbatan 7,4 trln so‘mdan 7,6 trln so‘mgacha ko‘paydi.
Kompaniya birinchi chorak bo‘yicha 2022-yilda 115 mlrd so‘m foyda solig‘ini to‘lagan edi. 2023-yilda bu ko‘rsatkich ikki barobardan ham ko‘proq kamaydi va 54,2 mlrd so‘mni tashkil qildi.
UzAuto Motors’ga birinchi chorakda 141,3 trln so‘mlik soliq imtiyozlari berilgan. Bu ishlab chiqaruvchi kompaniyalar orasida O‘zbekiston bo‘yicha eng ko‘pi hisoblanadi.
Avvalroq yil boshida kompaniya IPO o‘tkazgani haqida xabar berilgan edi.
Izoh (0)