Toshkent shahar Chilonzor tumanidagi bo‘sh turgan omborxona inshootlari kimoshdi savdosiga qo‘yildi. Ma’lumotlar “E-auksion” portalida e’lon qilingan.
Lot auksionga Davlat aktivlarini boshqarish agentligining Toshkent shahar hududiy boshqarmasi tomonidan qo‘yilgan.
Yer uchastkasining umumiy maydoni — 1,7 gektar. Binoning maydoni — 11 105,40 kvadrat metr. Binoda suv, elektr ta’minoti mavjud, kanalizatsiya tizimi va gaz yo‘q.
Shuningdek, omborxonada 1 800 kvadrat metr hujjatsiz bino-inshoot hamda xatlovda aniqlangan boshqa binolar mavjud.
Auksionga qo‘yilgan omborxona binolarining boshlang‘ich bahosi — 62,4 mlrd so‘m. Arizalar 21-aprel 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkentdagi ma’muriy bino 27 mlrd so‘mga auksionga qo‘yilgani haqida xabar berilgandi.
Izoh (0)