Самарқанд вилояти, Самарқанд шаҳри, Воҳида Абдуллаева кўчасидаги “Геофизика” оқова сув тозалаш иншооти кимошди савдосига қўйилди. Маълумотлар “E-auksion” порталида эълон қилинган.
Лот аукционга “Самарқанд сув таъминот” томонидан қўйилган. Бино хатланмаган.
1983 йилда қурилган ушбу бино бир қават ва ўнта хонадан иборат. У орқали темирйўл тармоғи ўтмаган.
Ер участкасининг умумий майдони — 8,5 гектар. Бинонинг майдони — 4615,69 квадрат метр. Бинода сув, газ ва электр таъминоти, канализация тизими мавжуд.
Лот изоҳига кўра, М37 автомобиль йўлидан ушбу ҳудудга кириш учун Самарқанд вилоят ҳокимлиги томонидан йўл ажратилиши кўзда тутилган.
Аукционга қўйилган бинонинг бошланғич баҳоси — 50,4 млрд сўм. Аризалар 22 май 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкентдаги омборхона 62 млрд сўмга аукционга қўйилгани ҳақида хабар берилганди.
Изоҳ (0)