O‘zbekiston Madaniyat va sanʼatni rivojlantirish jamg‘armasi “O‘zbekistonning arxeologik xazinalari. Makedoniyalik Iskandardan to Kushonlar sulolasigacha” nomli yangi ko‘rgazma loyihasini taqdim etadi. Bu haqda Saida Mirziyoyeva xabar berdi.
Unga ko‘ra, arxeologik topilmalarga bag‘ishlangan va eramizdan avvalgi IV asrning ikkinchi yarmida makedoniyalik Iskandar hukmronligidan to milodiy IV asrdagi Kushonlar hukmronligining oxirigacha bo‘lgan davrni qamrab oluvchi ko‘rgazma ikki maskanda – Berlindagi Jeyms Simon galereyasi va Yangi muzeyida tashkil etiladi.
Shuningdek, “O‘zbekistonning arxeologik xazinalari. Makedoniyalik Iskandardan to Kushonlar sulolasigacha” ko‘rgazmasi 2023-yilning 4-mayidan 2024-yilning 14-yanvariga qadar bo‘lib o‘tadi.
Izoh (0)