Andijondagi maktabda bosimga uchragan o‘qituvchi murojaati ijobiy hal etildi, deb xabar bermoqda Oliy Majlisning Inson huquqlari bo‘yicha vakili matbuot xizmati.
Ma’lum qilinishicha, ombudsmanning Andijon viloyatidagi mintaqaviy vakili nomiga Buloqboshi tumanida yashovchi fuqaro O.Q.dan ish faoliyatida mehnat huquqlarining buzilayotgani bo‘yicha murojaat kelib tushgan.
Tumandagi maktablardan birida matematika fani o‘qituvchisi sifatida faoliyat yuritadigan murojaatchining so‘zlariga ko‘ra, shu maktabning o‘quv tarbiya ishlari bo‘yicha direktor o‘rinbosari ish boshlaganidan buyon yig‘ilishlarda uni obro‘sizlantirishga harakat qilib kelgan va unga bosim o‘tkazish orqali dars soatlarini o‘z tanishlariga o‘tkazib bergan.
Fuqaro O.Q.ning murojaati nazoratga olinib, viloyat Xalq ta’limi boshqarmasi bilan birgalikda ishchi guruh tuzilgan holda o‘rganilgan. O‘rganish davomida direktor o‘rinbosarining ish faoliyatida qator kamchiliklarga yo‘l qo‘yilgani aniqlanib, murojaatchidan qonunga zid ravishda olingan o‘quv soatlari o‘ziga qaytarilgan.
Maktab direktori o‘rinbosari esa, egallab turgan lavozimidan ozod etilgan.
Izoh (0)