Qashqadaryo viloyatining Qarshi shahrida Labo rusumli transport vositasi yonib ketdi. Bu haqda viloyat FVB matbuot xizmati xabar berdi.
Qayd etilishicha, 15-aprel kuni soat 12:03 larda Qarshi shahar “Xudoyzod” MFY, Tafakkur ko‘chasida Labo avtomobilining yonayotgani to‘g‘risida FVBga xabar kelib tushgan. Voqea joyiga yong‘in-qutqaruv bo‘linmasi soat 12:11 da yetib borgan va yong‘in to‘liq soat 12:17 da o‘chirgan.
Aniqlanishicha, Samarqand viloyati Toyloq tumanida yashovchi fuqaro S.B.ga tegishli oq rangli Labo shatakka olib ketilayotgan bo‘lgan.
Yong‘in elektr simlarining qisqa tutashuvi sababli yuzaga kelgani taxmin qilinmoqda. Yong‘indan tan jarohati olganlar yo‘q.
Bundan oldin Toshkent—O‘sh avtomobil yo‘lida sodir bo‘lgan yo‘l-transport hodisasida yuk mashinasi butunlay yonib ketgandi. Shuningdek, Samarqandda yonilg‘i sig‘imi 20 tonna bo‘lgan yuk mashinasi yonib ketgani, Andijonda yo‘l chetida turgan Nexia’da yong‘in chiqqani, Qamchiq dovonida lak-bo‘yoq ortilgan yuk mashinasi yonib ketishi oqibatida bir necha kishi jabrlangani to‘g‘risida xabar berilgandi.
Izoh (0)