Samarqand viloyati Urgut tumanidagi gaz quyish shoxobchasi hududida yong‘in sodir bo‘ldi. Bu haqda Favqulodda vaziyatlar vazirligi axborot xizmati xabar berdi.
Xabarga ko‘ra, 10-aprel kuni soat 16:48 da Samarqand viloyati FVBga Urgut tumanida joylashgan “Qorabuloq” MFY hududidagi gaz quyish shoxobchasi hududida yong‘in sodir bo‘lgani haqida xabar kelib tushgan. Yonilg‘i sig‘imi 20 tonna bo‘lgan yuk mashinasi yonib ketgan.
Zudlik bilan voqea joyiga FVV viloyat boshqarmasining 4 ta yong‘in-qutqaruv guruhi yetib kelgan. Yong‘in soat 17:35 da o‘chirilgan. Yong‘in o‘chirilgandan so‘ng, vaziyatni o‘rganish davomida ushbu hodisa natijasida bir kishi jarohatlangani maʼlum bo‘ldi. U eng yaqin tibbiy muassasaga yotqizildi.
Izoh (0)